منتديات البهجة للجزائريين و العرب - al bahdja
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط على هنا. كما يشرفنا أن تقوم بالتسجيل بالضغط هنا اذا رغبت بالمشاركة في المنتدى، أما إذا رغبت بقراءة المواضيع فتفضل بزيارة القسم الذي ترغب أدناه.




 
س .و .جالرئيسيةبحـثالتسجيلدخولمكتبة الصور

شاطر | 
 

 حكايات حاره بعضشي....... شفيقه العايقه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
مهندس/ محمود النجدي
عضو جديد
 عضو جديد


جنس العضو : ذكر
التَـــسْجِيلْ : 09/03/2008
المُسَــاهَمَـــاتْ : 59
المَــــــدِيــنَة : مصر
النـِقَـــــــــاطْ : 3198
التَقْيِــيــــــمْ : 2
بلد العضو : مصر


مُساهمةموضوع: حكايات حاره بعضشي....... شفيقه العايقه   الإثنين 10 مارس 2008 - 11:47

اثناء استقراري في بلدنا في منزلي ..

لفت نظري صباحا طفل في العاشره من عمره ..
يلبس بنطلونا وفي يده شنطه سوداء ضخمه مليئه بالكتب والكراسات
يميل علي الرصيف بكامل جسده مما اثار انتباهي ..
اقتربت منه دون ان يشعر ..فوجدته مستغرقا في كتابه الواجب
وهو يبرط ببضع كلمات التقط منها
اف..الابله دي عليها حاجات ..قال ننقل الصفحه كذا مره
الواحد صوابعه اتكرتمت ..وكل يوم واجب كلل يوم واجب
دي حاجه تزهق واذا ماكتبناش تمدنا علي رجلينا والله
لو تعيا ..
يارب الابله تعيا يارب ..والا المدرس بتاع الحساب طويل كده ومش فالح الا في الضرب
والعجيب ان الوزير يقولك مافيش ضرب ..وما تدوش واجب
وزير كذاب ياخي بشكل ؟
ياما المدرسون مش بيسمعوا كلامه نازلين فينا ضرب ..ضرب ..
والله لاقوله علشان ييجي يضربهم ..
حاول ان اصادقه ..او اتعرف عليه ولكني كنت اتراجع ..
يعني اعمل عقلي بعقل عيل يقولوا الراجل اتجنن ..
يوما وراء يوم عرفت في اي مدرسه.
فكرت وانا كما تعلمون بعد الشر عايز اعرف ايه حكايته
خطرت في بالي فكره لو الشيطان نفسه ماتجيش علي باله
وعرفت ميعاد الولد ده ..وقلت بكره ننفذ ..اختمرت الفكره الشيطانيه
في دماغ العبد لله
في المساء تحججت ان غرفه النوم دي دوشه انا هانام في الوضه التانيه
لم تلاحظ زوجتي شئيا وفي الفجر صليت وانتظرت ثم بدات التنفيذ ساعه الصفر السابعه قدوم الهدف السابعه والربع صباحا المدام مستغرقه في النوم تماما تاكدت ..قمت ارتديت النقاب الخاص بزوجتي وتلفعت بالعبايه الايراني ..وانتقيت جردل بلاسنيك صغير وضعت فيه بعضا من الصلصه الطماطم وقليلا من الرابسو "مسوق غسيل ..ثم اطللت من النافذه وجعلت الهدف يراني ..ثم ابتدا يكتب الواجب علي الرصيف ..وهب صببت الجردل عليه كاملا ثم جعلته يراني اعتقد انني زوجتي ..
فزع ونظر الي الاعلي ثم صرخ كده ياتانت يامنقبه والله اقول لجدتي اشرت له بما معناه ولا يهمني اي طز فيك وفي....
ثم تسللت بخفه وخلعت النقاب ..والعبايه بهدوء وتلففت في البطانيه من اعلي راسي الي
اخمص صابعي ..وادعيت النوم وماهي الا لحظات حتي بدا الهجوم المضاد
فاعلنت حاله الطوارئ اذ احضر الولد امراه شرسه وسمعتها اسفل البلكونه
تصيح ..تعاليلي هنا ياللي عمله منقبه والنبي ومن نبي النبي نبي ماني سايباكي
ترمي الميه عالواد قدك ده ..عملك ايه يامفتريه وفال لابسه نقاب قال ؟
انزل لي يا جبانه ..وفينو الراجل بتاعك ..ده اشوفه ..
استيقظت زوجتي علي هذا الموشح وارتدت النقاب والعباءه الايراني واطلت قائله
ياختي المسلمه انتي ..ولم تكمل ..مسلمه هو انتي بتراعي اسلام انتي وسمعت
الولد يقول لها هي دي الست المنقبه اللي رمت علي الميه ياتيتا ..
وبدا الهجوم التتاري من قبل السيده اذا حاولت الهجوم بهز البوابه الحديد التي اغلقتها انا امس بالمفتاح ..
هرولت زوجتي الي الداخل فوجدتني مستغرقا في النوم ..وهنا سمهتها تهزني يانجدي ..الحقني ..تظاهرت بالنوم كانني مستغرق فيه اعادت الكره بعنف وهي تصيح الحقني ياخويا ..تثابت وفتحت نصف عيني السفلي ..خير فيه ايه هو كل يوم الصبح
تعملي غاره ايه الامريكان وصلوا ؟
انيل ياخويا انيل
اسرائيل احتلتنا ؟
اسخم ياستاذ ..
الدور ده دود المش منه فيه
ايه امن الدوله؟ ..ياريت ياخويا ياريت
امال فيه ايه
ياخويا واحده هجمه ..هاجم عليه قال ايه انا دلقت الميه علي ابنها
اجبت بشماته .. ايوه انا عارف حركاتك الاونطه دي ياما حذرتك ماتكبيش الميه عالناس وتتطلعي تجري
..ردت ويمين المصطفي ماحصل ..
قوم يانجدي شوف ؟
يانجدي كده حاف امال كنت باخد بكالوريوس هندسه قولي ياباشمهندس كرري كده
طيب ياستاذ ياباشمهندس ..يابيه قوم نجيني من الورطه دي الله يخليك ؟
مددت يدي اليمني من تحت البطانيه ..طيب بوسي ايدي الاول ؟
بتقول ايه اما انك برجوازي استغلالي صحيح ؟
ادخلت يدي وادرت ظهري خلاص خليها بقي تطلع تاكلك ؟
بس قوم ياخويا وادي راسك ثم نزعت البطانيه بعنف ..
الحمام فاضي ؟اصل افتكرت ده انا بقالي كتير ماستحمتش يعني انزل كده ماينفعش ؟
انت ياخويا لسه هتتهيد ..عالبال مالعمشه تتزوق يكون السوق شطب ..
طيب طلعي لي البدله الكحلي والكرافته الحمرا ..والبارفان اللي اسمه الهجان
ليه ياخويا انت رايح تقابل الريس ..والا رايح المفاوضات بتاعه اسمو ايه ده ؟
طيب هاتي الجزمه ولمعيها كويس والشبشب الزنوبه عيبه ايه ؟
ياوليه انا بتشاءم من الشباشب لما اقابل الحريم ..شجره الدر هي والحريم قتلت جوزها بالشباب
اجابت وفي عينيها زهوه انتصار ..لا ده بالقباقيب ياعنيه ؟
..وبعدين انت عايزه يقول البيه صاحب الصرايه نازل بشبشب
الدنيا مظاهر ياهانم
اما ماحدث بعد ذلك شئ مش معقول انتظروني في الحلقه القادمه

جميع الحقوق محفوظه
م/ النجدي
الرجوع الى أعلى الصفحة اذهب الى الأسفل
الهام
المُدِيــــ العَامَ ــــرَ
 المُدِيــــ العَامَ ــــرَ


جنس العضو : انثى
التَـــسْجِيلْ : 09/02/2007
المُسَــاهَمَـــاتْ : 3731
العُــمـــْـــــر : 29
المَــــــدِيــنَة : قلب احـــ من ـــب
الهِوَايَـــــاتْ : CuiSiNe & NeT
النـِقَـــــــــاطْ : 7042
التَقْيِــيــــــمْ : 100
بلد العضو : الجزائر


مُساهمةموضوع: رد: حكايات حاره بعضشي....... شفيقه العايقه   الإثنين 7 أبريل 2008 - 19:38

:rabbit:

الف الف شكر على الموضوع المميز

ننتظر المزيد والمميز من مواضيعك

لتزين بها منتدى همسات المحبة

وليبقى التميز عنوانك

تحياتي واحترامي

الهام


:-غ'ف-ل:
الرجوع الى أعلى الصفحة اذهب الى الأسفل
 
حكايات حاره بعضشي....... شفيقه العايقه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات البهجة للجزائريين و العرب - al bahdja :: الادب والشعر :: الروايات والقصص | Romans-
انتقل الى: